Facsimile of Benedetti's Chapter on Mechanics

Transcription

si & Iunctini in Saturno non erat differentia plus quam minu .5. & in Iove min .4. sed
secundum calculum huius in Saturno fuisset differentia gra .11. minu .54. & in Iove
grad .13. min .35. Atque hae sunt quidem differentiae magnae, & monstruosae utipse
eas vocat, ut etiam estilla Veneris, & Mercurii inter tertiam figuram, & eius calcu-
lum sumptum, non quidem a tabulis laboriosis, sed a simplicibus ephemeridibus Sta
dii, quae differentia non est quidem paucorum graduum, cum sit tertiae partis coeli in
quolibet dictotum planetarum. Huiuſmodiq́; monstra certe non sunt orta a ta-
bulis sive ephemeridibus diversis, sed sunt partus huius authoris.

Pergens postea assidue bonus hic vir hominibus dare specimen doctrinae suae ape
riendo (ut conatur) aliorum errores, proponit duas differentias inter primam fi-
guram, & suum calculum suppositum Saturni, & Iovis. Primum de Saturno ait, quod
cum differentia sit gra .1. min .30. ostendit in directione, quod accidens sit eventurum
anno uno, & mensibus sex ante, aut post, quasi eiusmodi differentia esset partium ae-
quatoris, sicuti est partium Zodiaci. Idem dico de differentia Iovis. Quod quidem,
manifestum est inditium scientiae suae, & quantum ea intelligat de quibus loquitur.

Quod postea attinet ad differentiam inter Copernicum & Alfonsum, circa solem,
nullus est harum scientiarum peritus, qui id nesciat, & similiter de differentia situs cae-
li in revolutionibus annuis.

Quod vero ait septimam siguram male supputatam fuisse, si non est maximus cer-
te non est minimus monstruosorum eius errorum. Ubi itidem videri potest, quam
alienus hic sit ab hac scientia. Nam si saltem curasset sibi ab aliquo supputandum
locum Solis per tabulas Alfonsi in instanti minutorum .36. pomeridianorum, certior
factus esset quod in illo puncto Sol inueniebatur in minu 54. grad .11. Geminorum,
idest praeterierat gra .10. cum min .54. vel si curasset sibi inueniendum tempus, per
dictas tabulas cum grad .10. min .54. Geminorum ut faciendum est, sequendo tamen
Alfonsum, & non per calculum Solis positum in ephemeridibus, ut parum periti fa
cere solent, vidisset quod inuenta essent min .36. pomeridiana. Levis tamen occasio hu
ic fuit suspicandi eiusmodi tempus esse falsum, quod viderit in illa figura solem po
situm esse cum gra .11. & non cum gra .10. min .54. non animaduertens ita notatum
fuisse Solem ut omnes alios planetas, scilicet sine minutis, quum, ut dixi, in revolu
tionibus non adhibeatur tanta scruplositas.

Quod deinde ait, in illa figura Solem positum esse in decima domo, & non in .9.
id relinquam iudicio eorum qui sciunt numerare domos, saltem posuisset authori-
tate sua Solem in dicta decima diverse ab exemplo ei dato ab amico, ut ostenderet
se dicere verum, ut in secunda figura discrepat ab ipso exemplo in collocando Leo-
ne, Virgine, & Libra, & Scorpio, quos male locavit, & si alii bene se habent.

Atque quod hactenus a me dictum est, satis sit ad intelligendum quale sit reliquum
dictae eius disputationis. Sienim velim pergere notare omnia eius errorum loca, es
set mihi inanis labor, & tibi nimia molestia. Et quamuis non defuerint praestantissi-
mi viri, qui visis eius scriptis familiariter eum monuere, & tu ipse, ut audivi, cum in-
ſtrumẽto theoricae in manibus ei ostenderis quo mon Mars possit morari amplius sex mem
sibus in uno signo. & praeterea cum iam ab initio Taurinum aduenit, mecum com-
municaverit illa sua prima scripta, egoq́; eum monuerim, quod in variis rebus falleba
tur, diſſuaſerimq́; ne ea imprimenda curaret, quia nullum honorem inde referret,
eum hortans, ut potius aliis rebus operam daret, atque ei dixerim quod ad animad-
uersiones differentiarum ephemeridum attinet, quod id iam oens animaduerterant.
Mihi respondit se decrevisse illa edere, ut postea fecit, & tot admonitionibus non