Facsimile of Benedetti's Chapter on Mechanics

Transcription

sex basibus constare, pag.15. 583. 632. et .647. Omitto errorem ab eodem com-
missum in fine pag .39. ubi oleum gravius esse quam aquam fatetur, cum id ad res
mathematicas non spectet: Omitto etiam quod idem neget astrologiam pag .74.
79. & quod etiam dicat pag .89. Deum esse ad orientem, non considerans aliqui-
bus populis nostrum orientem esse occidentem.

Quod idem ait pag .241. Astrologiam esse antiquiorem Astronomia est falsissi-
mum, quia iudiciaria semper praesupponit cognitionem situs stellarum, quae ab A-
stronomia petitur. Movebit tibi risum quod ait pag .307. his verbis.

Verum proprie media dicitur illa, quae rectam sphaeram omnino habet, quae eun
dem polum orizontis & mundi obtinet, quae orizontem habet dividentem sphaeram
aeque secundum angulos recte.

Paulo inferius continuans sermonem de sphaera recta, ait.

Et nisi tumor terrae, & gibum esset, iis perpetuus esset dies sine nocte.

Linea vero .56. ait habitatores sphaerae recte habere .4. solstitia, sese ipsum huius
rei plane ignarum prodens .310. autem pag. sic scribit.

Quoniam repercutiuntur radii, & peridem centrum transeunt, ob id stupam ap
positam centro radius accendit.

Quem quidem errorem ab Euclide desumit, et .15. linea pag .636. repetit.

Si vis ridere, legito .16. primas lineas .357. pag. Quod idem deinde dicat circa fi-
nem 396. pag. lucem esse substantiam corporis lucidi & corpoream, subiiciam tuo
iudicio, ut etiam quod ait .397. pag. his vetbis utens.

Idcirco animalia illa, quae nocte vagantur perpolita, dum volant, aerem terunt
nocturnum, & fulgent.

Et pag .398.

Multitudo radiorum non admodum facit ad excitandum calorem si solum inci-
dat sine repercussu, neorecta incidere ivverit.

Quod falsum est cum radius incidens longe magis quam reflexus calefaciat. In fi
ne autem .405. sic scribit.

Sol in ortu & in occasu longius apparet, iccirco revolui creditur. Hinc etiam in
abside stare putatur, & in opposito absidis, unde solstitia vocant, sed nobis in Can-
cro, antipodibus vero in Capricorno tum Sol abesse longius apparet utrisque.

An hoc quid peius dici potest? Circa vero .40. lineam pag .459. sic scribit.

Si enim alii planetae, & stellae fixae reciperent a Sole lumen, dum accederent ad So
lem, vel recederent, aut contra, Sol ad eas appropinquaret, & abscederet, easdem-
lucis vicissitudinis subiret, quas Luna.

Hoc autem nondum depraehensum est, quin etiam Mercurius, Venus, suo interpo
situ, Solem occultarent nobis, ut Luna.

Paulo inferius sic ait. Rursus aeque Saturnus, Jupiter, Mars, subire deliquium,
more Lunae, aut saltem obiectu terrae inter Solem & ipsos, quia tum ob interpositam
terram non possent haurire lumen a Sole.

Haec vero omnia, talia sunt, qualia ab iis qui incipiunt intelligere sphaeram non
proferrentur. Omittamus, quod ait deinde.

Accedit quod si astra lumen a Sole acciperent eiusdem caloris essent. Itaque om
nia siccarent, & nulla essent frigidae constitutionis contra Astrologos.

Quia hac ratione, Luna, quae negari non potest, quin ab ipso Sole lumem accipiat,
eiusdem caloris esset cum eodem Sole. Sunt ea etiam ridenda, quae idem ait pag.
460. lineis .18. 19. 23. 26. 27. 29. quasi ea lux infinita (ut ita dicam) magni Solis, non